Во основното музичко образование може да се запише ученик на возраст од 6 години и постари и се организира приемен испит, со кој се проверува музичката способност на ученикот.
Образованието започнува со подготвителна година во која се изучува само предметот солфеж, а следната година ученикот се определува за инструмент кој што ќе го учи.
Основното музичко образование трае 6 години (+ 1 подготвителна ) за инструментите: виолина, виола, виолончело, клавир, флејта.
Тука може да се запишат и ученици од 9 години. За предметите: гитара, хармоника, дувачки инструменти, ударни инструменти за кои образованието трае 4 години .
Можат да се запишат и постари ученици за инструментите фагот, контрабас и харфа за кои образованието трае 2 години.

Во основно балетско образование може да се запише ученик на возраст од 8 - 10 години и се организира приемен испит, со кој се проверува психофизичката способност на кандидатот. Образованието трае 4 години (+ 1 подготвителна ).

Приемен испит
Приемните испити во основно музичко и балетско образование се реализира во месец септември, но уписот може да се продолжи во текот на целата година.

Вo I година во средното музичко училиште може да се запише ученик кој што има завршено основно музичко образование.

Упис во I година во средното музичко училиште се врши на основа на конкурс кој го распишува Министерството за образование и наука кое ги утврдува содржините, времето, местото и начинот на полагање на приемниот испит, како и основи, мерила и начин за рангирање и упис во училиштето.

Приемен испит
Средното музичко образование трае 4 години. Учениците можат да се запишат на 4 профили:
1. Музичар изведувач
2. Музичар теоретичар
3. Балетски играч и модул модерен балет
4. Фолклорен играч

Услов за упис е положен приемен испит.

Пријавувње на ученици за упис се врши во термините определени и објавени од Министерството за образование, кои се однесуваат за целото средно образование во Републиката.

Потребни документи:
- пополнета пријава за упис и таксена марка од 50 денари
- оригинален извод од матична книга на родени
- оригинални свидетелства од 5то до 8мо одделение
- оригинални свидетелства од основно музичко или балетско (ако го има завршено)
- (за фолклорен играч) потврда и препорака од фолклорно друштво

Детална табела »